Algemene Reëls

Skoolure:

Maandae tot Donderdag:  07:25 tot 14:00
Vrydae:  07:25 tot 13:20

Verlaat van skoolterrein gedurende skoolure

1. Afsprake buite skoolverband van watter aard ook al, moet verkieslik na skoolure, oor naweke of in vakansietye gereël word.
   
   
2. Geen leerder sal tydens klastyd geroep word om vroeër huis toe te gaan nie.  Leerders moet tydens pouses afgehaal word.
   
   
3. Leerders bly die skool se verantwoordelikheid tot en met die einde van die skooldag wanneer die leerders in die ouers se sorg oorgegee word.  Indien 'n ouer/voog dus nie self 'n leerder kan afhaal gedurende skooltyd nie, moet skriftelike toestemming aan die skool verleen word indien iemand anders as die ouer/voog die leerder by die skool afhaal.  Telefoniese toestemming deur die ouer/voog is onvoldoende, aangesien ons skriftelike bewyse vir die departement op leêr moet hou.
   
   
4. Leerders wat in skooltyd siek word, mag onder geen omstandighede hulle ouers/voogde self kontak om hulle by die skool af te haal nie.  Siek leerder moet by die algemene kantoor aanmeld, waarna een van die administratiewe dames die ouers/voogde sal kontak.  Die siek leerders sal in die siekekamer gehou word totdat die ouers/vooge arriveer om hulle af te haal en in die register uitteken.

Selfone, tablette, elektroniese sigarette, juwele:

• Selfone mag slegs met toestemming gedurende klastyd gebruik word.
  
  
• Geen tablette en oorfone word by die skool toegelaat nie.  Dit sal gekonfiskeer word.
  
  
• Elektroniese sigarette sal PERMANENT GEKONFISKEER en vernietig word.
  
  
• Ontoelaatbare juwele word gekonfiskeer, en 'n R100 boete sal gehef word alvorens leerders se juweliersware aan hulle terugbesorg word.