Welkom by Hoërskool Overvaal
Uit die Hoof se Kantoor!
| Baie geluk aan ons atlete wat onlangs gekwalifiseer het vir die SA-kampioenskappe. Julle harde werk en toewyding maak ons ongelooflik trots.
| Sterkte ook aan die netbaldogters wat Dinsdag aan die Sedibeng-proewe gaan deelneem.
| Baie dankie aan al ons spelers wat deelgeneem het aan ons eerste vriendskaplike wedstryde teen Hoërskool Wonderboom. Dit was ’n waardevolle geleentheid om as spanne saam te groei.
| Laastens wil ek ’n beroep doen op ons Valie-gemeenskap: kom ons ondersteun altyd ons spanne met trots, respek en goeie sportmangees, sodat ons ons skool se naam met eer uitdra – op en langs die veld.
| Mag elkeen ’n geseënde week hê.
Gedagte vir die week
“En nou bly geloof, hoop en liefde—hierdie drie; maar die grootste hiervan is die liefde.” - 1 Korintiërs 13:13
Mel die Storieverteller - Internetsensaie
Die stories is vars, onverwags en bleddie belaglik, maar blykbaar alles waar, wel, so sê Facebook, en ons almal weet wat op die internet staan is ‘n feit, maar kan betwyfel word, tensy jy dit wil glo!
BORG 'N BANKIE
Vier Overvaal se 45ste bestaansjaar deur jou merk op ons skool te laat! 🏫✨ Ons nooi ouers, oud-leerlinge, besighede en vriende van die skool uit om 'n bankie te borg vir slegs R2000.
Elke geborgde bankie sal ‘n gegraveerde plaatjie hê met jou of jou besigheid se naam – ‘n blywende herinnering aan jou bydrae tot ons skool se nalatenskap.
Boodskap van die Hoof
Daar is net een woord om Overvaal te beskryf: Bevoorreg! Bevoorreg om die Hoof van die skool te wees, bevoorreg om onderwyser by die skool te wees, bevoorreg om 'n leerder van die skool te wees!
Overvaal is sinoniem met gelukkige , gebalanseerde leerders. Hierdie skool het homself oor 40 jaar gevestig as familie-skool waar elke leerder belangrik is! Passievolle onderwysers, die beste leerders, 'n ondersteunende ouergemeenskap en God se seën, verseker dat Overvaal jou nommer een skool is!
Mnr. Schalk Rabie