Dissiplinêre Stelsel

Die skool se gedrags- en dissiplinêre kode sal aan die begin van die skooljaar aan elke nuwe leerder uitgedeel word.

Kode op blou brief	Oortreding / Positiewe aktiwiteit	Puntetoekenning
01	Huiswerk nie gedoen nie	- 10
02	Boeke tuis vergeet	- 10
03	Afskryf van huiswerk	- 10
04	Afskryf van huiswerk deur leerder toegelaat	- 10
05	Laatkom (4 minute)	- 10
06	Oortreding van 'n skoolreël	- 20
07	Kru taalgebruik	- 20
08	Steur die onderrigsituasie	- 20
09	Nie in saal/toesigklas/voogperiode	- 30
10	Uitdagende, onbeskofte gedrag teenoor personeellid	- 30
11	Selfoongebruik tydens onderrigtyd	- 60
12	Boelie/kuberboelie	- 40
13	Rook/vape en/of in besit van sigarette/vape	- 60
14	Stokkiesdraai (ongemagtigde wegbly van klas/skool)	- 60
15	Baklei op skoolterrein	- 60
16	Vandalisme	- 60
17	Rassisme	- 60
18	Pornografie	- 60
19	Oneerlikheid tydens toetse en eksamen	- 120
20	Alle wangedrag soos uiteengesit in paragraaf 3.12 van die gedragskode van leerders	- 180
25	Ernstige boeliegedrag	- 60
30	Verbode middels (dwelms)	- 60
33	Sosiale media	- 60

Kode op geel brief	Oortreding / Positiewe aktiwiteit	Puntetoekenning
50	Bywoon en ondersteun van kultuur- en sportaktiwiteite	+ 5
51	Hulp in skoolverband	+ 10
52	Deelname aan sport	+ 25
53	Deelname aan kultuuraktiwiteite	+ 25
54	Volle teenwoordigheid by Interhoër	+ 30

| Wanneer 'n leerder 'n oortreding begaan, word 'n "blou briefie" vir hom/haar voltooi.  Die leerder moet die brief onderteken aangesien dit 'n skulderkenning is.  Nadat die klasonderwyser/es sowel as die graadhoof die "blou briefie"  onderteken het, word dit na die administratiewe kantoor gestuur, waarna dit ingelees word op 'n stelsel, en 'n sms aan die ouers/voogde gestuur word om hulle in kennis te stel van die oortreding.

| Daar vind vier detensies per jaar plaas - net voor elke detensiedatum word verslae getrek van leerders wat 60 en meer negatiewe punte op hulle rekords het.  Leerders wat geïdentifiseer is, sal elkeen vroegtydig skriftelik in kennis gestel word dat hulle detensie moet bywoon, en 'n sms sal ook aan die betrokke ouers/voogde gestuur word om hulle hiervan in kennis te stel.  Sodra die leerders die detensie bygewoon het, sal 60 negatiewe punte van die leerders se rekords verwyder word.

| Wanneer verslae getrek word en 'n leerder se puntetelling is 180 of meer negatiewe punte, sal die leerder voor die dissiplinêre komitee van die beheerliggaam verskyn.  Dieselfde prosedure sal gevolg word as met detensie, deur die leerder skriftelik in kennis te stel van die dissiplinêre verhoor en 'n sms sal aan die betrokke ouers/voogde gestuur word vir kennisname.  Die dissiplinêre komitee besluit oor die skuld/onskuld van die leerder na gelang van getuienis wat aangehoor word en het die mag om op die gepaste straf te besluit - dit kan selfs lei tot skorsing of 'n aansoek wat by die Departement van Onderwys ingegee word om te begin met uitsettingstappe.  Leerders is ook onderhewig aan die uitvoer van gemeenskapsdiens onder toesig.

| Indien die laaste detensie van die jaar plaasgevind het, en 'n leerder steeds 60 of meer negatiewe punte op sy/haar rekord het, word hierdie punte oorgedra na die volgende jaar, en moet die leerder in Januarie eers detensie bywoon om weer op 'n nul-telling te kom.

| Soos u sal merk, is daar ook positiewe puntetoekennings, en dit kan weer negatiewe punte op 'n leerder se rekord, verminder.  Leerders sal, in die geval van positiewe punte, 'n "geel briefie" ontvang, en die ouers/voog sal dan ook 'n sms ontvang.

| Die aflê van detensie is verpligtend.  Sou 'n leerder sonder grondige rede en skriftelike verduideliking versuim om detensie by te woon, sal dit beskou word as 'n ernstige oortreding wat dienooreenkomstig streng gestraf sal word.